Млын быў уладкаваны ў маляўнічым месцы, дзе сыходзяцца плыні ракі Камайкі і безыменнага ручая. Абодва вадатокі цякуць у глыбокіх лагчынах, урэзаных ва ўзгоркі Свянцянскіх град на 6-8 метраў. У некаторых месцах берагі падмыліся і ўтварарыліся стромкія схілы.
У сутоках перад былым млыном існуе невялікі стаў, але ён таксама вынік дзейнасці баброў: яны залажылі рэчышча і паднялі ўзровень вады.
Ад былой гідратэхнічнай сістэмы засталася дамба даўжынёй каля 40 метраў і вышынёй да 4-6 метраў, значна размытыя сценкі шлюза, шматлікія валуны ў рэчышчы, падмурак і склеп млына, падмуркі іншых пабудоў, рэшткі сада. Сярод валуноў трапляюцца часткі металічных канструкцый.
Спецыялізацыя і канструкцыйныя асаблівасці млына пакуль што не выяўлены.
